அன்பெனும் அழகிய குணம்..


நாள்தோறும்..

அன்புக்கு உண்டோ அடைக்கும்தாழ்..

அனுபவிப்பவரே அறிவர் அன்பின் மகிழ்ச்சியை..
மௌனவார்த்தைகளும்
கோபமும் கூட அன்பின் வெளிப்பாடுகளே..

கிடைத்த அன்பை நிலைக்க வைப்பதே சுகம்..
நமக்கு பிடித்தவரிடம் கெஞ்ச வைப்பது அன்பு..
நம்மைப் பிடித்தவரைக் கொஞ்ச வைப்பதும் அன்பே..

அழகை விட அன்பைத் தரும் உள்ளமே அழகானது..
அறிவாளிகளை விட அன்பானவரையே நம் மனம் விரும்புகிறது..

அன்புக்கு ஏங்குபவரே நாம் அன்பு செலுத்த ஏற்றவர்..
அன்பும் அக்கறையும் இணைந்ததே இனிய வாழ்வு..

பிடித்தவரிடம் அன்பு செய்வதை விட பிடிக்காதவரையும் தன்வயப் படுத்துவதே பேரன்பு..
வாழ்க்கையின் பக்கங்களை அழகாக்கும் எழுதுகோல் அன்பு..

தாயிடம் மட்டுமே கிடைப்பது தூய அன்பு..
நெஞ்சிலும் தோளிலும் சுமப்பது தந்தையன்பு..
காதலும் காமமும் கலந்தது
துணையின் அன்பு..
பாசமும் பரிவும் பிணைந்தது
பிள்ளைகள் அன்பு..

அன்புடன் பேசுவோம்..!
அவரவர் இடத்திலிருந்தே..!
அது நம் உறவை பலப்படுத்தும்..!
நம்மை ஒன்றுபடுத்தும்..!

அன்பை விதைப்போம் - அதில்
மகிழ்ச்சி எனும் பூக்களை அறுவடை செய்வோம்..!

இன்பம்  கூட்டி 
இனிய ராகம் மீட்டி
இணைந்து வாழ்வோம்
இதயம் கலந்த அன்பினிலே!

Comments

Post a Comment

Popular posts from this blog

தணிக்கை

Image
தேவையான கருத்துக்களை ஏற்றுக் கொள்வோம்..! தேவையற்ற கருத்துக்களை தணிக்கை செய்வோம்! நடக்கக் கூடும் நம்பிக்கைகளை  மனதில் கொள்வோம்! தேவையற்ற எண்ணங்களை தணிக்கை செய்வோம்! பிள்ளைகளை நல்லவழி நடக்க அறிவுரைப்போம்! நல்லன அல்லாத வழிகளை தணிக்கை செய்வோம்!
Read more

காதல்

Image
காதல்..அந்த வார்த்தை எந்த மனிதரையும் சிலிர்க்க வைக்கும். மகிழ்ச்சி தரும்.  காதல் என்றாலே மனம் வானத்தில் பறக்கும். அந்தக் காதலியோ காதலனோ உடனிருந்து விட்டால் மனமும் உடலும் துள்ளிக் குதிக்கும்.  கண்கள் கிறங்க மனது கும்மாளமிட  இப்படியே வாழ்நாள் முழுதும் இருந்துவிட மாட்டோமா என்று எண்ணத் தோன்றும். சின்னச்சின்ன ஊடல்கள் பிரிவதற்கல்ல  காதலை வளர்ப்பதற்கு. காதல் வந்துவிட்டால் மனம் கும்மாளம் போடும்.. வானத்துக்கும் பூமிக்கும்  துள்ளிக் குதிக்கும்.
Read more

அசரீரி

Image
அசரீரி புராண காலங்களில் ஒலித்ததாகவும் அதன்படியே நடந்ததாகவும் கதைகளில் படித்ததுண்டு. கம்சனுக்கு வானிலிருந்து ..உன் சகோதரியின் எட்டாவது மகன் உன்னைக் கொல்வான்..என்ற அசரீரி கேட்டதாலேயே அவன் தேவகியின் ஏழு குழந்தைகளைக் கொன்றான். இந்தக் காலத்தில் நாம் ஏதாவது பேசும்போது பல்லி கத்தினால் அந்தக் காரியம் நடக்கும் என்பர். 'பல்லி சொல்லுக்கு பலன்'என்று பஞ்சாங்கத்தில் உண்டு. இதுதான் இந் நாளைய அசரீரி. நாம் நிறைய பேர் இருக்கும் இடத்தில் இருந்து கொண்டு ஒரு நல்ல விஷயம் பேசும்போது..அதெல்லாம் சரிவராது..என்று நமக்கு சம்பந்தமில்லாதவர்  வேறு விஷயத்துக்கு  சொல்லும் போது சட்டென்று அது நமக்கு அபசகுனமாகத் தோன்றும். அதனால்தான் திருமணங் களில் தாலி கட்டும் நேரம் கெட்டிமேளம் ஒலிக்கப் படுவது. யாரும் அந்த நேரத்தில் அபசகுனமாகப் பேசினால் காதில் விழாது.
Read more